marunadanmalayali.com

യോഗയിലൂടെ 130 രാജ്യങ്ങളെ 'നിലത്തുകിടത്താൻ' മോദിക്കു കഴിഞ്ഞു; 

മുംബൈ: യോഗയിലൂടെ 130 രാജ്യങ്ങളെ 'നിലത്തുകിടത്താൻ' മോദിക്കു കഴിഞ്ഞെന്നു ശിവസേന. എന്നാൽ, യോഗയിലൂടെ വിലക്കയറ്റത്തിന്റെ വേദനയിൽ നിന്നു ജനങ്ങൾക്കു മോചനം നൽകാൻ കഴിയുമോ എന്നും മുഖപത്രമായ സാമ്‌നയിലെ ലേഖനത്തിലൂടെ ശിവസേന പരിഹസിച്ചു.
യോഗ വഴി നിരവധി കാര്യങ്ങൾ നേടാൻ കഴിയും. എന്നാൽ വിലക്കയറ്റവും അഴിമതിയും യോഗ പരിശീലനം മൂലം മാറ്റാൻ കഴിയുമോ? ഇക്കാര്യത്തിൽ ഒരു വിശദീകരണം നൽകുകയാണെങ്കിൽ നന്നായിരുന്നുവെന്നും ശിവസേന ചോദിക്കുന്നു.
അതേസമയം, യോഗയുടെ പ്രാധാന്യം ലോകത്തിനു മുന്നിൽ കൊണ്ടുവരാൻ കഴിഞ്ഞത് അഭിനന്ദനാർഹമാണെന്നും മുഖപത്രമായ സാമ്‌നയിലെഴുതിയ ലേഖനത്തിൽ ശിവസേന വ്യക്തമാക്കി. 130 രാജ്യങ്ങളെക്കൊണ്ട് യോഗ പരിശീലിപ്പിച്ചതിൽ പ്രധാനമന്ത്രി നരേന്ദ്ര മോദിയെ പുകഴ്‌ത്തുകയാണ് ചെയ്യേണ്ടത്. യോഗ പരിശീലിക്കുന്നയാളെ ലോകം നമിക്കുന്നു. യോഗയിലൂടെ 130 രാജ്യങ്ങളെ 'നിലത്തുകിടത്താൻ' മോദിക്കു കഴിഞ്ഞു. പക്ഷെ പാക്കിസ്ഥാനെ എന്നന്നേക്കുമായി നിലത്തുകിടത്താനാണ് ശ്രമിക്കേണ്ടത്. ഇതു ആയുധം കൊണ്ടേ സാധിക്കൂ. സ്ഥിരമായ 'ശവാസനം' ആണ് പാക്കിസ്ഥാനു നൽകേണ്ടതെന്നും സാമ്‌നയിലെ ലേഖനത്തിൽ ശിവസേന ആവശ്യപ്പെടുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍