ഉണ്ണി കൊടുങ്ങല്ലൂര്‍
ശാസ്ത്രീയനാമം.
കോളിയസ് അരോമാറ്റികസ് (Coleus aromaticus)
മറ്റ് പേരുകള്‍
പനികൂര്‍ക്കയുടെ മറ്റൊരു പേരാണ് ഞവരയില. കർപ്പൂരവല്ലി, കഞ്ഞിക്കൂർക്ക, നവര, കര്‍പ്പൂരവളളി, കഞ്ഞിക്കൂര്‍ക്ക എന്നീ പേരുകളില്‍ അറിയപ്പെടുന്ന
വിവരണം
പച്ച നിറത്തിലുള്ള ഇളം തണ്ടുകള്‍ക്കും ഇലകള്‍ക്കും മൂത്തുകഴിഞ്ഞാല്‍ തവിട്ടു നിറം ആയിരിക്കും വീടുകളില്‍ നട്ടുവളര്‍ത്താവുന്നതും അധികം പരിചരണം ആവശ്യമില്ലാത്തതുമായ ഒന്നാണ് ഞാവരയില. പനികൂര്ക്ക എന്നത് പേരുപോലെ തന്നെ ആണ് ഇതിന്‍റെ ഔഷധഗുണവും.പനി,ജലദോഷം,തുമ്മല്‍ എന്നിവയ്ക്കെല്ലാം പനികൂര്ക്ക വളരെ ഉത്തമമാണ്.ഒരു ഔഷധച്ചെടി ആണ് പനികൂര്ക്ക. വളരെ താഴ്ന്നു വളരുന്ന ഒരു ചെടിയാണ് ഇത്.
ഔഷധയോഗ്യഭാഗം
ഇല, തണ്ട്
ഔഷധഗുണങ്ങള്‍
ഗൃഹവൈദ്യത്തിൽ, ചുക്കുക്കാപ്പിയിലെ ഒരു ചേരുവയാണ് പനിക്കൂർക്ക. മൂത്രവിരേചനത്തിനു നല്ലതാണിത്.പനിക്കൂർക്കയുടെ നീരു നല്ലൊരു ആന്റിബയോട്ടിക്കാണെന്നു കണ്ടെത്തിയിട്ടുണ്ട്.
അടങ്ങിയിരിക്കുന്ന ഘടകങ്ങള്‍
അകോറിൻ, അസാരോൺ
ഔഷധകൂട്ടുകള്‍
പുളി ലേഹ്യം, ഗോപിചന്ദനാദി ഗുളിക എന്നിവയിലെ ഒരു ചേരുവയാണ് പനിക്കൂർക്ക.വലിയ രസ്നാദി കഷായം, വാകാദി തൈലം എന്നിവയിലും ഉപയോഗിക്കുന്നു.
താഴെ പറയുന്ന അസുഖങ്ങളുടെ ചികിത്സയ്ക്ക് ആയി ഇത് ഉപയോഗിക്കുന്നു.
കഫം, പനി, നീരിളക്കം, ചുമ, ശ്വാസതടസം, തൊണ്ട കുറുകല്‍,മലബന്ധം, മൂത്രതടസം, കൃമിശല്യം, അപസ്മാരം ഇവയ്ക്കുള്ള നല്ലൊരു ഔഷധമാണ് പനിക്കൂര്‍ക്ക. ഇതു കരളിന്റെപ്രവര്‍ത്തനത്തെ ഉത്തേജിപ്പിക്കുകയും വിയര്‍പ്പുണ്ടാക്കുകയും ചെയ്യും.
ഔഷധമായി ഉപയോഗിക്കേണ്ട വിധം
- പനിക്കൂർക്കയില വാട്ടിപ്പിഴിഞ്ഞനീര് 5 മില്ലി വീതം സമം ചെറുതേനിൽ ചേർത്ത് കഴിച്ചാൽ കുട്ടികൾക്കും മുതിർന്നവർക്കുമുണ്ടാകുന്ന പനി,ജലദോഷം,ശ്വാസം മുട്ട് തുടങ്ങിയ രോഗങ്ങൾ സുഖപ്പെടും
- പനിക്കൂര്‍ക്കയില ഇടിച്ചു പിഴിഞ്ഞനീരില്‍ കല്‍ക്കണ്ടം ചേര്‍ത്തു കുട്ടികള്‍ക്കു കൊടുത്താല്‍ ചുമ, നീര്‍വീഴ്ച, കുറുകുറുപ്പ് ഇവ മാറും.
- പനിക്കൂര്‍ക്കയിലയുടെ നീര് നിറുകയില്‍ തിരുമ്മുന്നത് നീര്‍വീഴ്ച അകറ്റാന്‍ ഫലപ്രദമാണ്.
- മുതിര്‍ന്നവര്‍ക്കുണ്ടാകുന്ന ശ്വാസകോശവീക്കത്തിന് ഇലനീരും തേനും കല്‍ക്കണ്ടവും ത്രികടുവും ചേര്‍ത്തു നല്‍കണം.
- കുട്ടികളുടെ വായില്‍ നിന്നു തുടര്‍ച്ചയായി വെള്ളമൊലിക്കുന്നുവെങ്കില്‍ ഇലനീരും മോരും തുല്യമായി ചേര്‍ത്തു കൊടുത്താല്‍ മതി.
- പനിക്കൂര്‍ക്കയില നീര് എണ്ണ കാച്ചി തേച്ചാല്‍ കണ്ണിന് നല്ല കുളിര്‍മ ലഭിക്കുന്നതാണ്.
- പനിക്കൂര്‍ക്കയില വെള്ളത്തില്‍ തിളപ്പിച്ച് ആവി കൊണ്ടാല്‍ തൊണ്ടവേദനയും പനിയും മാറും.
- മുലയൂട്ടുന്ന അമ്മമാര്‍ പനിക്കൂര്‍ക്കയില അരച്ചു പാല്‍ക്കഞ്ഞി കഴിച്ചാല്‍ കുട്ടികള്‍ക്കു ജലദോഷമുണ്ടാകില്ല.
- പനിക്കൂര്‍ക്കയിലനീര് പഞ്ചസാര ചേര്‍ത്ത് ദിവസം മൂന്നുനേരം കഴിച്ചാല്‍ കുട്ടികളുടെ ഉദരരോഗങ്ങള്‍ ശമിക്കും.
- കഠിനമായ ചുമയുള്ളപ്പോള്‍ പനിക്കൂര്‍ക്കയിലയുടെ നീര് ചെറുനാരങ്ങാനീര്, തേന്‍ ഇവ ചേര്‍ത്തു കഴിക്കണം.
- ചെറുനാരങ്ങാനീരും പനിക്കൂര്‍ക്കയില നീരും ചൂടാക്കി ചെറു ചൂടോടെ ഒരു സ്പൂണ്‍ കഴിച്ചാല്‍ ഗ്യാസ് ട്രബിള്‍ മാറും.
- പനികൂര്‍ക്കയില ഇടിച്ചു പിഴിഞ്ഞ് ഒരു വലിയ സ്പൂണ്‍ നീരില്‍ നൂറുഗ്രാം കല്‍ക്കണ്ടം പൊടിച്ചു ചേര്‍ത്തു കഴിച്ചാല്‍ ചുമ,നീര്‍വീഴ്ചഎന്നിവ മാറും.
- പനികൂര്‍ക്കയില നീര് അഞ്ചു മില്ലി നെറുകയില്‍ തിരുമ്മിയാല്‍ നീര്‍വീഴ്ച മാറും. കുട്ടികളുടെ വായില്‍ നിന്നു തുടര്‍ച്യായി വെളളമൊലിക്കുന്നെങ്കില്‍ പനികൂര്‍ക്കയില നീരും മോരും തുല്യ അളവില്‍ ചേര്‍ത്തു കൗടുത്താല്‍ മതി
- .ചെറുനാരങ്ങാ നീരും പനികൂര്‍ക്കയില നീരും സമമായെടുത്ത് ചൂടാക്കി ചെറുചൂടോടെ ഒരു ചെറിയ സ്പൂണ്‍ അളവില്‍ കുടിച്ചാല്‍ ഗ്യാസ്ട്രബിള്‍ മാറും
- പനികൂര്‍ക്കയില നീര് ഒരു ചെറിയ സ്പൂണ്‍ പഞ്ചസാര ചേര്‍ത്ത് ദിവസം മൂന്നുനേരം കഴിച്ചാല്‍ കുഞ്ഞുങ്ങളുടെ ഉദരരോഗത്തിന് ആശ്വാസം കിട്ടും
No comments :
Post a Comment