ഉണ്ണി കൊടുങ്ങല്ലൂര്‍
ഈശ്വരവിശ്വാസം
നമുക്ക് ചെയ്യാന്‍ കഴിയുന്നതും, ശക്തിയുള്ളതുമായ ഒന്നാണ് പ്രാര്‍ത്ഥന. നമ്മള്‍ പ്രാര്‍ത്ഥിച്ചിട്ടും ഈശ്വരന്‍ നമ്മുടെ ആവശ്യങ്ങള്‍ സാധിച്ചു തരുന്നില്ലെങ്കില്‍ നാം ഈശ്വരനെ നിന്ദിക്കരുത്.
കാരണം നമ്മുടെ നന്മയ്ക്ക് വേണ്ടിയാണ് ഈശ്വരന്‍ അങ്ങനെ ചെയ്യുന്നത്. ആഗ്രഹിച്ച കാര്യം നടന്നില്ലെങ്കിലും പിന്നീടത് ഗുണകരമായി ഭവിക്കും. നമ്മളിലുള്ള ശക്തിയെ വളര്‍ത്തിയെടുക്കുകയാണ് പ്രാര്‍ത്ഥനയിലൂടെ നമ്മള്‍ ചെയ്യുന്നത്.
രോഗം വന്നിട്ട് മാറാതെ, വളരക്കാലം രോഗാവസ്ഥയിലിരിക്കുന്നവര്‍ മനംനൊന്ത് ഈശ്വരനെ ഭജിക്കുക. മനസ്സ് പതുക്കെ പതുക്കെ ശാന്തമാവുകയും ഈശ്വര ചൈതന്യം നമ്മിലേക്ക് പ്രവഹിക്കുകയും ചെയ്യും.
മാനസികമായ സംഘര്‍ഷം അനുഭവിക്കുന്നവര്‍ക്ക് പ്രാര്‍ത്ഥന നല്ല ഒരു മരുന്നാണ്. അങ്ങനെ പ്രാര്‍ത്ഥന എന്ന ഔഷധസേവയിലൂടെ രോഗാവസ്ഥയെ തരണം ചെയ്യാന്‍ സാധിക്കും.
ആധുനിക കാലഘട്ടത്തില്‍ മനുഷ്യന്‍ പല കണ്ടുപിടുത്തങ്ങളും നടത്തി വിജയിക്കുന്നു. ഈ വിജയത്തിന്റെയെല്ലാം പിന്നില്‍ ഈശ്വരശക്തി നിശ്ചയമായും ഉണ്ട്. യാതൊരു അപേക്ഷയുമില്ലാതെയുള്ള പ്രാര്‍ത്ഥനയാണ് നമുക്ക് ഉചിതമായത്. ഈ പ്രാര്‍ത്ഥന ഈശ്വരന്‍ സ്വീകരിക്കുകയും ചെയ്യും.
ഈശ്വരവിശ്വാസിയെന്ന് അഭിനയിക്കുന്നവര്‍ അറിയുന്നില്ല, അവരുടെ കപടഭക്തി നാശത്തിലേക്കുള്ള വഴിയാണെന്ന്. ജന്മം കൊണ്ടല്ല കര്‍മ്മം കൊണ്ടാണ് നമ്മള്‍ നന്നാവേണ്ടത്.
നല്ല കര്‍മ്മങ്ങള്‍ ചെയ്ത് ഈശ്വരകടാക്ഷം അനുഭവിക്കുക. നമ്മുടെ ഓരോരുത്തരുടേയും ഉള്ളിലുള്ള 'ഞാനെന്ന ഭാവത്തെ' ഉപേക്ഷിച്ച് എല്ലാം ഈശ്വരനിലര്‍പ്പിക്കുന്ന പ്രാര്‍ത്ഥനയാണ് ശ്രേഷ്ഠം.
ഞാന്‍ എന്റേത് എന്ന ചിന്ത ഈശ്വരാനുഗ്രഹത്തിന് തടസ്സമാണ്. ജീവിതത്തില്‍ പ്രശസ്തി, നേട്ടം, വിജയം, പരാജയം, ദുരന്തം ഇവയെല്ലാം നമ്മുടെ കര്‍മ്മഫലം കൊണ്ട് സംഭവിക്കുന്നതാണ്.
സത്യസന്ധമായി ജീവിക്കുന്നവര്‍ ഈശ്വരനെ ഒരു ദിവസം പ്രാര്‍ത്ഥിച്ചില്ലെങ്കിലും അവരുടെ സല്‍ക്കര്‍മ്മങ്ങളുടെ ഫലം അവര്‍ക്ക് ലഭിക്കും. ചിലര്‍ ചോദിക്കാറുണ്ട്. 'ദൈവം ഉണ്ടോ? ഉണ്ടെങ്കില്‍ നേരിട്ട് കാണണം.' നമ്മള്‍ ഈശ്വരനെ തേടി നടക്കണ്ട.
ഈശ്വരന്‍ നമ്മുടെ ഓരോരുത്തരുടേയും ഹൃദയമാകുന്ന കോവിലില്‍ വസിക്കുന്നുണ്ട്. അത് മനസ്സിലാക്കാതെ ഈശ്വരനെത്തേടി നടക്കുന്നവന്‍ മൂഢനാണ്.
മറ്റുള്ളവരോട് വിനയത്തോടെ പെരുമാറുക, താഴ്മയോടെ ജീവിക്കുക ഇങ്ങനെയെല്ലാം ജീവിച്ചാല്‍ ആപത്ത് നമ്മളില്‍നിന്നും താനേ ഒഴിഞ്ഞുപോകും. ദൈവത്തിന്റെ മടിയില്‍ നമ്മള്‍ സുരക്ഷിതരാണെന്ന വിശ്വാസം ഉണ്ടായാല്‍ മതി, ജീവിത വിജയപഥത്തില്‍ മുന്നേറുവാന്‍.
ദുഃഖ, ദുരിതമോചനത്തിന് ഈശ്വര വിശ്വാസം തന്നെ ശരണം. അത് നേടണമെങ്കില്‍ മനസ്സുനിറയെ ഭക്തിയും സമര്‍പ്പണ മനോഭാവവും വിശ്വാസവും വേണം.
ആയതിനാല്‍ ജീവിച്ചിരിക്കുന്ന ഓരോ നിമിഷവും ഈശ്വരചിന്തയോടെ കര്‍മ്മങ്ങള്‍ ചെയ്യുക. എല്ലാം ഈശ്വരന്റേതാണ് എന്ന ചിന്ത മനസ്സില്‍ ഉറപ്പിക്കുക.
അശ്രാന്ത പരിശ്രമത്തിലൂടെയും പിഴവുകളില്ലാത്ത ജീവിത രീതികളിലൂടെയും ഈശ്വരനെ നമുക്ക് ''അകക്കണ്ണാല്‍'' കാണാന്‍ സാധിക്കും.
''ദൈവം ഉണ്ട് എന്ന് നാം വിശ്വസിച്ചാല്‍ ഉണ്ട്- ദൈവം ഇല്ല എന്ന് നാം വിശ്വസിച്ചാല്‍ ഇല്ല.'' നമ്മുടെ വിശ്വാസമാണ് ഇവിടെ പ്രധാനം. നമ്മളെ എല്ലായ്‌പ്പോഴും മുന്നോട്ട്
നയിക്കുന്നതും ഈ വിശ്വാസം തന്നെയാണ്.
കാരണം നമ്മുടെ നന്മയ്ക്ക് വേണ്ടിയാണ് ഈശ്വരന്‍ അങ്ങനെ ചെയ്യുന്നത്. ആഗ്രഹിച്ച കാര്യം നടന്നില്ലെങ്കിലും പിന്നീടത് ഗുണകരമായി ഭവിക്കും. നമ്മളിലുള്ള ശക്തിയെ വളര്‍ത്തിയെടുക്കുകയാണ് പ്രാര്‍ത്ഥനയിലൂടെ നമ്മള്‍ ചെയ്യുന്നത്.
രോഗം വന്നിട്ട് മാറാതെ, വളരക്കാലം രോഗാവസ്ഥയിലിരിക്കുന്നവര്‍ മനംനൊന്ത് ഈശ്വരനെ ഭജിക്കുക. മനസ്സ് പതുക്കെ പതുക്കെ ശാന്തമാവുകയും ഈശ്വര ചൈതന്യം നമ്മിലേക്ക് പ്രവഹിക്കുകയും ചെയ്യും.
മാനസികമായ സംഘര്‍ഷം അനുഭവിക്കുന്നവര്‍ക്ക് പ്രാര്‍ത്ഥന നല്ല ഒരു മരുന്നാണ്. അങ്ങനെ പ്രാര്‍ത്ഥന എന്ന ഔഷധസേവയിലൂടെ രോഗാവസ്ഥയെ തരണം ചെയ്യാന്‍ സാധിക്കും.
ആധുനിക കാലഘട്ടത്തില്‍ മനുഷ്യന്‍ പല കണ്ടുപിടുത്തങ്ങളും നടത്തി വിജയിക്കുന്നു. ഈ വിജയത്തിന്റെയെല്ലാം പിന്നില്‍ ഈശ്വരശക്തി നിശ്ചയമായും ഉണ്ട്. യാതൊരു അപേക്ഷയുമില്ലാതെയുള്ള പ്രാര്‍ത്ഥനയാണ് നമുക്ക് ഉചിതമായത്. ഈ പ്രാര്‍ത്ഥന ഈശ്വരന്‍ സ്വീകരിക്കുകയും ചെയ്യും.
ഈശ്വരവിശ്വാസിയെന്ന് അഭിനയിക്കുന്നവര്‍ അറിയുന്നില്ല, അവരുടെ കപടഭക്തി നാശത്തിലേക്കുള്ള വഴിയാണെന്ന്. ജന്മം കൊണ്ടല്ല കര്‍മ്മം കൊണ്ടാണ് നമ്മള്‍ നന്നാവേണ്ടത്.
നല്ല കര്‍മ്മങ്ങള്‍ ചെയ്ത് ഈശ്വരകടാക്ഷം അനുഭവിക്കുക. നമ്മുടെ ഓരോരുത്തരുടേയും ഉള്ളിലുള്ള 'ഞാനെന്ന ഭാവത്തെ' ഉപേക്ഷിച്ച് എല്ലാം ഈശ്വരനിലര്‍പ്പിക്കുന്ന പ്രാര്‍ത്ഥനയാണ് ശ്രേഷ്ഠം.
ഞാന്‍ എന്റേത് എന്ന ചിന്ത ഈശ്വരാനുഗ്രഹത്തിന് തടസ്സമാണ്. ജീവിതത്തില്‍ പ്രശസ്തി, നേട്ടം, വിജയം, പരാജയം, ദുരന്തം ഇവയെല്ലാം നമ്മുടെ കര്‍മ്മഫലം കൊണ്ട് സംഭവിക്കുന്നതാണ്.
സത്യസന്ധമായി ജീവിക്കുന്നവര്‍ ഈശ്വരനെ ഒരു ദിവസം പ്രാര്‍ത്ഥിച്ചില്ലെങ്കിലും അവരുടെ സല്‍ക്കര്‍മ്മങ്ങളുടെ ഫലം അവര്‍ക്ക് ലഭിക്കും. ചിലര്‍ ചോദിക്കാറുണ്ട്. 'ദൈവം ഉണ്ടോ? ഉണ്ടെങ്കില്‍ നേരിട്ട് കാണണം.' നമ്മള്‍ ഈശ്വരനെ തേടി നടക്കണ്ട.
ഈശ്വരന്‍ നമ്മുടെ ഓരോരുത്തരുടേയും ഹൃദയമാകുന്ന കോവിലില്‍ വസിക്കുന്നുണ്ട്. അത് മനസ്സിലാക്കാതെ ഈശ്വരനെത്തേടി നടക്കുന്നവന്‍ മൂഢനാണ്.
മറ്റുള്ളവരോട് വിനയത്തോടെ പെരുമാറുക, താഴ്മയോടെ ജീവിക്കുക ഇങ്ങനെയെല്ലാം ജീവിച്ചാല്‍ ആപത്ത് നമ്മളില്‍നിന്നും താനേ ഒഴിഞ്ഞുപോകും. ദൈവത്തിന്റെ മടിയില്‍ നമ്മള്‍ സുരക്ഷിതരാണെന്ന വിശ്വാസം ഉണ്ടായാല്‍ മതി, ജീവിത വിജയപഥത്തില്‍ മുന്നേറുവാന്‍.
ദുഃഖ, ദുരിതമോചനത്തിന് ഈശ്വര വിശ്വാസം തന്നെ ശരണം. അത് നേടണമെങ്കില്‍ മനസ്സുനിറയെ ഭക്തിയും സമര്‍പ്പണ മനോഭാവവും വിശ്വാസവും വേണം.
ആയതിനാല്‍ ജീവിച്ചിരിക്കുന്ന ഓരോ നിമിഷവും ഈശ്വരചിന്തയോടെ കര്‍മ്മങ്ങള്‍ ചെയ്യുക. എല്ലാം ഈശ്വരന്റേതാണ് എന്ന ചിന്ത മനസ്സില്‍ ഉറപ്പിക്കുക.
അശ്രാന്ത പരിശ്രമത്തിലൂടെയും പിഴവുകളില്ലാത്ത ജീവിത രീതികളിലൂടെയും ഈശ്വരനെ നമുക്ക് ''അകക്കണ്ണാല്‍'' കാണാന്‍ സാധിക്കും.
''ദൈവം ഉണ്ട് എന്ന് നാം വിശ്വസിച്ചാല്‍ ഉണ്ട്- ദൈവം ഇല്ല എന്ന് നാം വിശ്വസിച്ചാല്‍ ഇല്ല.'' നമ്മുടെ വിശ്വാസമാണ് ഇവിടെ പ്രധാനം. നമ്മളെ എല്ലായ്‌പ്പോഴും മുന്നോട്ട്
നയിക്കുന്നതും ഈ വിശ്വാസം തന്നെയാണ്.
Copyright © 2016 Mangalam Publications India Private Limited. All Rights Reserved
No comments :
Post a Comment