Sunday, 25 September 2016

നാസയില്‍ ജോലി ലഭിച്ചെന്ന് പറഞ്ഞ് തട്ടിപ്പ്: യുവാവ് അറസ്റ്റില്‍

ഉണ്ണി കൊടുങ്ങല്ലൂര്‍
കംലാപൂരില്‍ നടന്ന സ്വതന്ത്യദിന ചടങ്ങില്‍ അന്‍സാര്‍ഖാനെ ആദരിച്ചപ്പോള്‍. ഫോട്ടോ കടപ്പാട്: എന്‍.ഡി.ടി.വി  
കംലാപൂരില്‍ നടന്ന സ്വതന്ത്യദിന ചടങ്ങില്‍ അന്‍സാര്‍ഖാനെ ആദരിച്ചപ്പോള്‍. ഫോട്ടോ കടപ്പാട്: എന്‍.ഡി.ടി.വി  

നാസയില്‍ ജോലി ലഭിച്ചെന്ന് പറഞ്ഞ് തട്ടിപ്പ്: യുവാവ് അറസ്റ്റില്‍


പന്ത്രണ്ടാം ക്ലാസ് വദ്യാഭ്യാസം മാത്രമുള്ള അന്‍സാര്‍ ഖാന് 1.85 ശമ്പളത്തില്‍ നാസയില്‍ ജോലി കിട്ടിയതറിഞ്ഞ പ്രദേശവാസികള്‍ ആഘോഷിക്കുകയും ചെയ്തു
Published: Sep 25, 2016, 04:09 PM IST

ഭോപ്പാല്‍: നാസയില്‍ 1.85 കോടി രൂപയുടെ വാര്‍ഷിക ശമ്പളത്തോടു കൂടി ജോലി ലഭിച്ചെന്ന് പറഞ്ഞ്‌ കബളിപ്പിച്ച യുവാവ് അറസ്റ്റിലായി. മധ്യപ്രദേശിലാണ് സംഭവം. കംലാപൂര്‍ സ്വദേശിയായ 20 വയസുകാരന്‍ അന്‍സാര്‍ഖാനാണ് ഒരു ഗ്രാമത്തെ മുഴുവന്‍ കബളിപ്പിച്ചത്.
 അമേരിക്കന്‍ ബഹിരാകാശ ഏജന്‍സിയായ നാസയില്‍ സെപെയ്‌സ് ആന്‍ ഫുഡ് റിസര്‍ച്ച് ഡിപ്പാര്‍ട്ട്‌മെന്റില്‍ തനിക്ക് ജോലി ലഭിച്ചെന്നായിരുന്നു അന്‍സാര്‍ ഖാന്റെ അവകാശ വാദം.
പന്ത്രണ്ടാം ക്ലാസ് വിദ്യാഭ്യാസം മാത്രമുള്ള അന്‍സാര്‍ ഖാന് 1.85 കോടി രൂപ ശമ്പളത്തില്‍ നാസയില്‍ ജോലി കിട്ടിയതറിഞ്ഞ പ്രദേശവാസികള്‍ ആഘോഷിക്കുകയും ചെയ്തു. അമേരിക്കന്‍ പ്രസിഡന്റ് ബരാക് ഒബാമയുടെ ഒപ്പോടു കൂടിയ ഐഡന്റിറ്റി കാര്‍ഡും ഇയാള്‍ എല്ലാവരേയും കാണിച്ച് വിശ്വസിപ്പിച്ചു.

കംലാപൂരില്‍ സ്വതന്ത്ര്യ ദിനത്തില്‍ രാഷ്ട്രീയ നേതാക്കളക്കം പങ്കെടുത്ത ചടങ്ങില്‍ അന്‍സാര്‍ഖാനെ ആദരിച്ചിരുന്നു. ഈ ചടങ്ങില്‍ പങ്കെടുത്ത മുതിര്‍ന്ന പോലീസ് ഉദ്യോഗസ്ഥന്‍ ശശികാന്ത് ശുക്ലയ്ക്ക് ഇയാളുടെ ഐഡന്റിന്റി കാര്‍ഡില്‍ കണ്ട ഒബാമയുടെ ഒപ്പില്‍ സംശയം തോന്നുകയായിരുന്നു.
തുടര്‍ന്ന്‌ ശുക്ല രഹസ്യമായി നടത്തിയ അന്വേഷണത്തില്‍ എല്ലാം വ്യാജമാണെന്ന് കണ്ടെത്തുകയായിരുന്നു. അന്വേഷണത്തിനൊടുവില്‍ കഴിഞ്ഞ ദിവസം ഇയാളെ പോലീസ്‌ അറസ്റ്റു ചെയ്യുകയായിരുന്നു.
ഇതിനിടെ നാസയിലെ ശമ്പളം കിട്ടിയിട്ട് തിരിച്ച് നല്‍കാമെന്ന് പറഞ്ഞ് പലരില്‍ നിന്നായി ഇയാള്‍ പണം കൈപ്പറ്റിയിട്ടുണ്ടെന്ന് പോലീസ് പറഞ്ഞു.

No comments :

Post a Comment